سمره!!! ١٢٢
سايباني ليه متحير!!!
والله لو انا متخير
بينك وبين اني اعيش
لاختارك انت تعيشي
واحلم واودع طيش
واحمد ربي ع نعمك
لو حتي بملح وعيش
ده لولاكي لاابقي وكون
شكرا وانا ليكي ممنون
لأجلك انا روحي تهون
غيرك انت. تاني مليش
انا رمحك. وانا مهرك
انا نيلك. وضفاف نهرك
انافجرك. صبح وضهرك
انا واختي. وصاحبي عليش
انا دمي. فداك ياامي
ضميني ف. حضنك ضمي
ده انا اجيلك لو متغمي
وناديني باسمي وسمي
لو همس كمان بشويش
ضهري. ليك. معديه
روحي وقدمها هديه
بس انت تكون مرضيه
راح اموت لوفيكي ماعيش
وف حضنك خليني ضيفك
ف جرابك راح اكون سيفك
انا رهن اشاره وكيفك
لو نسمه. ماتعديش
نادي انت قولي ياولادي
وشهاده وتبقي مرادي
وبعمري عشانك افادي
انا وحدي بمليون جيش
ع صدرك بحبي واخطي
وسمايا وبحري وشطي
آه ياسمره ف يوم ماتوطي
لو ساعه م عمري هاعيش
حبيبتي!!!
ليست هناك تعليقات:
إرسال تعليق