وعجبيات!!! ١٢٣
وضبع خوف سبع
وكان معاه سبعه
طبعه باين معشش
لاكربون ولا طابعه
الدنيا مهما تداري
حذاري
اصل الطباع نابعه!!!
ماشي وسط البلد
ومش لاقي انا وسطي
قالولي فين الحبيب
وزادوا. حروستي
جاوبت بكل ثقه
وقولت انا عروستي!!!
شايب وعايب وشعره
ابيض وفيه. رزي
صابغ ودابغ. لجلده
بالصبغه. ومغزي
ماتقومي فذي يابت
ده انا جاي فيه اعزي!!!
درويش وصاحب كلب
ماشي مصاحب ضله
لا عمره. يوم خانه
ولا مره. يوم ضله
بس ال ذله.
البشر
راحوا واتخلوا!!!
سنيوره باعت شعرها
لجل الحبيب. غالي
دبت الحياه ف الجسد
راح قال. وانا مالي
الفعل غالي يلالي
لكن البعيد عره!!!
شاورت انا للزمن
وقف هنا. شويه
وبلاش تدهوس دوس
فيه ناس. معديه
قالي انا والطوفان
ومفيش. لبعديا!!!
الفجر ليه غيب
والفكر. وداني
سمعي. يكون خيب
ونسيت انا اداني
ولا انا سمعي تقل
ويد شداني
من بعد كاني وماني
مفيش . جد
وجداني!!!
يالي غاويت القول
اضبط كده قولك
وخلي نارك هاديه
وسوي كده فولك
ماتهز طولك...يانخل
طرحك مرار علقم
لو حتي طال الزمن
ميت حول ع حولك
وعجبي!!!
ليست هناك تعليقات:
إرسال تعليق