انا قاعد ومتبت
.............
زى ما قالت خَلتنا ريما
قاعد على قلبكو لطولون
قالت يَغما وكلمه حكيمه
اللى يسبها اكيد مجنون
اسم ورسم وسيما وقيمه
ونجم صحافه وتليفزيون
..
أصحا الصبح بكلمة باشا
اشخط وانطر اهز الكون
قافش جامد فيها ومتبت
بالعب ع الكارت المضمون
ولا بالطبل البلدى اتعتع
وإللى يكون هو إللى يكون
..
علشان حادثه !!!!!!؟
ممكن اسيبها
واصبح رنه فى التليفون
وإللى يقولك
هو خاريبها
ومدورها ومقلبها
وإللى يقولك
اصلو حليبها
والمليار زى المليون
..
وإللى يقولك
نمس خطير
ومالهشى
فى شغل التفكير
ولا يعرف
يحكى ولا يدير
ولا ينفع تاجر جرجير
واشيل الليله ومشاربها
..
لسه السر فى قلب البير
لو يطلع يزرع فدادين
ولا واحد ولا خمسه وسته
ولا حتى ١٣٠
هيهزوا حواجبى وشراشبها
..
مايشلها الواد السواق...!!!!!!
كان ماشى ماعندوش اخلاق
أو ارهاب من أهل الشر
ناس مش عايزه تجبها البر
ولما حريقه تقوم على غفله
اهل الشر بتعمل حفله
وتتريق على سيستم يح
وتقولك هات سيستم هوف
بيطفى لو صاحبك كح
وهو فيوز كان عامل قفله
أو محسود وملمس آر
..
المفروض انكو تدعولى
ولا الشيله اشيلها بطولى
..
بابعت ناس بسهوله الجنه
والدم بيتحول حنه
..
شُهداء على الاسفلت الطاهر
والقطر إللى هيصبح طاير
واكيد مش هيخشوا النار
هيخشوا الجنه الاطهار
ارتاحوا من هم الدنيا
والظلم وشغل الانفار
..
بنقولك...... هيخشوا الجنه
وهينسو غلو الاسعار
انا بخدم...... بضمير وبزمه
بطريقة...... نشن واختار
مره تصيب
مره تخيب
بس ديونا بالقنطار
كله مقدر........ كله نصيب
خليك مؤمن بالاقدار
..
انا بنقلكم دنيا واخره
خدمه يقدرها الابرار
على ايدى هبعتكوا الجنه
ولا عايز فلس ولا دينار
ليست هناك تعليقات:
إرسال تعليق