ست الحسن!!! ١٢١
تعجبني كل حاجه فيك.
تسريحه وريحه. وانت رايحه الدرس
وامتي يجي العرس. ياست بستانك
انت الوشاح. ع صدري فيه بنتي
مسرحه شعرك. ولبسه فستانك
وكام تركه.
لا .قولي تكه. وجنبها تركات
وملمعه الجزمه. ومش ازمه
ومزينه ضفايرك. بشريطه وفيونكات
ياست الحسن. لملمي البسمه
وخلي القسمه. تكتب الكلمات
زاينه الضفاير. وطرحه ع ضهرك
الدنيا مهرك .وشطاره ف التكات
طب خلي بالك. من حالك ولدروسك
انا نفسي ابوسك . يامسكره وامهات
تعالي حضني. ووقعي باسمك
ليك موافق. اني اكون شحات
انت عيوني. ال بشوف بيها
لا ده انت الضي. وكل الشوف
يركبني قلق وخوف .لما تغيبي لحظات
واللحظه دهر. اكمني انا ملهوف
الف اطوف . شبابيك وبلكونات
ابص اشوف .ضيك وهو جي بعيد
ابقي ف عيد . وسعيد. وده مش اسمي
لكن ده رسمي. لو جايه ف المواعيد
باعت معاكي. قلبي يحميك
وشوفي حاوط. خطوتك ف المشي
وان كنت اقدر احرسك. من الشمس
م الهمس. بس تكون مبسوط
طب بس وافقي. واتفقي ع قولي
وابقي ليك. شيخ الغفر
بطربوش. وماسك نبوت.
وانا ليا مين غيرك . شاوري وانا انفذ
ووراك احارب. لوكام اسد اوحوت
ليست هناك تعليقات:
إرسال تعليق