وانا والكرسي!!! ١١٣
انا والكرسي ملازمني
مصاحبني مش مأزمني
وجمايله كتير محزمني
يساهرني
وكتير كتير بيعزمني
ع الوحده
يكلمني وايه مالك ?
وليه الخل ماجالك!!!
يفتشني ويروشني
بكام سؤال
ما تقولي ايه شاغل بالك!!!
مونسني انت والراكيه
وكام حدوته مع حاكيه
مع نفسك
وانا مراقب كل همساتك
ولمساتك وسكناتك
بشوفك مرغرغه عيونك
وايه بتحوي ف خلجاتك
و بس بيا متونس
وللوحده ومتحمس
ومدفي. بخلجاتك
مفيش نسمه من الخلا جاتك
ولا بسمه !
ونصيبك بس م القسمه
تشرب شاي وبعدها قهوه
تسجل روح وجياتك
حابب للوحده و معايا
تطول القاعده والنظره
ودخانك شايل لهموم
وقولك جااااي
كفايه غيوم
كفايه بس كام واحده
بقيت شارب من العفار عفره
ومعبي الدنيا دخانك
مالك! ..مش عامل حساب ليا
وانا معاك وف مكانك
مليش غيرك مآنسني
مونسني. بسكانك
تدفيني بحرف من قولك
وقولك. بس لو طولك
للازمك ف الصباح والليل
ولو عدا حول ع حولك
فاكرني كرسي مش حسك!!!
ولا بلمستي. جسك
وونسي بحشرجه حسك
جماد وقلبي كمان ميت
اكون آخر زعل منك!!!
لو النيه دي. مبيت
ده انا بستنا لمجيك
وبفرح لما اشوف ضيك
ومين يأنسني بوجوده
حبيبي انت مفيش زيك
بتوحشني !!!
ليست هناك تعليقات:
إرسال تعليق