فى آى مله
.................
فى اي مله واي شرع واي دين
مستحيل ف شرع عيسى
ومش فى شرع المسلمين
ولولا الملامه لو نعامه
نحط راسنا فى اي رمل
لكن بشر أو عليهم محسوبين
بعيون ذليله ومكسروين
وودان كبيره من عجين
وقلوب تدق وغشاشين
وف كتابنا مذكورين
انعام فى هيئة بشر
وبنار جهنم موعودين
تصدقوا من غير يمين
فيه ناس مابينا شمتانين
احنا راسنا شايله طين
غير البجاحه والتناحه
ومين يقولك وبصراحه
إن الصمت لينا راحه
ومين يقولك احنا مالنا
إللى باقى بس قوتنا
وقوت عيالنا
أما الكرامه
تحت رحمة بنيامين
واللى عنده اى ذنب
يغفره عمك ترامب
بس تسمع خطته
وتقول امين
خايف تقولها ف العلن
فى السر عادي
ما احنا هبل وطيبين
الرصاصه اه بتقتل
هى مره
طلقه واحده بس رحمه
والجوع بيقتل ألف مره
والخوف يذل أمه حره
والمرار بالهوان حلاوتو مُره
وابن الشيطان صوته عالى
بيسب عرض الموجودين
اصحاب الفخامه والزعامه
إللى أصلاً ملطوطين
الطاحونه رحاها داير
شوف هتخطف تانى مين
إللى فات كان البشاير
هيصطدونا مفرطين
ايد ف ايد لموا الخساير
الفرصه لسه وفيه نهار
إبن الشيطان اختيار
انت عارفه مش نصيب
ابن كلب مالوش حبيب
حتى سيرته حرام وعيب
وجدودو قتلوا المرسلين
دمعه واحده لآى ام
بكل عرش المفضوحين
وابتسامة اى طفل
وسط الركام
بين الحطام
تنشر على الدنيا السلام
بس الامان
إللى ضاع بالخيانه
لجل الكراسى من سنين
نسب مين ونلعن فى مين
...........فى المفضوحين
ولا اللى ركعوا مطبعين
ولا إللى قتلوا ومجرمين
المعروفين الملطوطين
الملعونين دنيا ودين
يارب نزل رحمتك
على اللى صمدوا
وإللى ضحوا ومظلومين
ونجينا من شر البرايا
اللى حكموا فينا اتمكنوا
ومن ترامب محكومين
.............يا ملطوطين
محمد وحيد
كل التحية والاحترام لشخصكم شاعرنا الغالي دمت مبدعًا بامتياز
ردحذف