( الشقايق. ) ١٠٤
الحب سمعنا الوداع
الحبايب
دقوا للهجر الطبول
خس كام بيت م القصيده
خلو كل الوزن ضاع
والوهن سكن القلوب
وعضمنا اشتاق النخاع
وانمحي سطور م التاريخ
وشمسنا فارقها الشعاع
واللغه صبحت صريخ
والأصول تاهت مشاع
بكوا لنور المآذن
الود. نازل قلب قاع
قزموا الحب ال نامي
عقموا الطلق ال حامي
والعقاب اصبح حمامه
ميت ندامه!
الضمير انصاع وطاع
والسمره واقفه حزينه
ثابته صامده ورزينه
والادين سانده لخد
هي شايفه. آه وساكته
قلب صايبه الف ناكته
مين بايعني مين شريني
ومين ال باني الف سد
ال عده سند حقيقي
نفس دمي وكان شقيقي
ليه ف جدري شد هد
كنت اهجي. كنت أحفظ
كنت أعلم. سكون ومد
اسألوا. التاريخ عني
وارجعوا. لكل اصل
الفا. لو كنت بغني
أستاذ وعلم الف فصل
والحبيب. والطبيب
وقت ماتحتاج لمصل
ليه ناكرني!!! ..
عامل ان مش فاكرني!!!
روح ذاكرني! روح وعد
ياشقيقي خلي بينا كل ود
روح وأسأل.
عني ابوك. وقبله منه
الف جد!!!
ليست هناك تعليقات:
إرسال تعليق