جربت!!! ١٠٨
عمرك حسيت. انك ميت
وتراب الارض مش عايزك
تكتم انفاسك بكفوفك
هبط وبرك فوقك نيزك
تمسك زماره. زمارتك
ومانفعه فلوسك وبرايزك
جربت الموت!
روحت زيارتك!
قدمت للموت اعذارك
اترجيته بس يسيبك
تلحق وتوب عن اوزارك
مستني يجي ويخبط!!!
بابك ويسلم انذارك
تخرج من بابك ف اللفه
ماشي ومتحاوط بالزفه
حسناتك كترت او زادت
نفسك تطمن ع الكفه
نفسك تتمشي هنا شويه
وتلف تراكك ميت لفه
جربت ...تكبر للسره
وتعيد توجيه تاني الدفه
.راجع حساباتك ميت مره ...
وجهز لدفاترك لو زارك
شد ف حيلك
وحساب شيلك.
لو يوم قرب
واربط ع وسطك مأزارك
وبعدين جرب!
ليست هناك تعليقات:
إرسال تعليق