فؤاده!!! ١٠٧
فؤاده بتنده يا ابن الاصول
بعت لجوابي بعلم الوصول
من.قلبي بقولك حقيقي ماضلك
اوم خد بايدي . ليه تبقي كسول
انا فجري طالع وفتحت الهويس
واداني بيدن ويمحي الوطيس
ماانا العروسه وانت العريس
والميه هاتحيي لكل الحارات
وتنور مصانع تضلم بارات
ويفرح وليدي بحيري صعيدي
وتحط صورتي لصدرك شارات
ما انت حفيدي وانت الوريث
انفض غبارك . بخيرك وجود
ياحافر قناتك وباني السدود
فؤاده امانه وعرين الاسود
ولملم سواعدك. انت وموريس
عارفاك ياولدي قوي الاراده
بتسمع ادانك . تجري لعباده
واسمك معلم م يوم الولاده
وهاجر قداسه . العجل ابيس
وشهم وتلبي . وتفادي بروح
عاري بصدرك .ماتهمك جروح
وفارد دراعك سفينه لنوح
يارب بسكر . وماتشربها ساده
وتمسك لفجرك . وتطرد خبيث
قوم ازرع لشتله . تخضر سنابل
تهادي بعرقك . مايهمك مقابل
وتدهن حيطانها . تخضر غيطانها
وخيرك يكفي . لليبيا وبابل
تعدي تخطي. نيوريك وباريس
صعيدي وبحيري. وحضري وبدوي
صوتك يجلجل. وتنده ياعدوي
وصوتك هايضوي . وتبقي الريادة
وتجري تلبي ..لزعقه فؤاده
ليست هناك تعليقات:
إرسال تعليق