مصري..!!! ١٠٥
ارسم بريشتك للملامح كلها
بين قمرها. ودفاها.
وعرق الشهامه ف شمسها.
ارسم مروءه ف حروفها وهمسها
وانحت عيون. ساهره تصون
ومليون ماعون. يشهد لها
عرض لجبهه
رغم ال صابها. من عرق
ارسم بريشتك ع الورق
وانحت لشعره الاسمراني وبسمته
وخلي. وشه مرفوع وعالي بهمته
خلي ملامحه انه راضي بقسمته
ولون بقي. الوان بتعرق م الشقي
من. لون ترابها. وطميها
لون رملها .
ولا اقولك. لون بلونها كلها
خلي العيون. لون أرضها
صور شفايف. وهي تناجي ربها
بعد ماصامت بعد ماصليت فرضها
بين سنانه. خليها بيضه
تعكس لشمس بضيها
هاترسمه! وتجسمه!
بصوره تبين للكتاف
وهي شايله الحمول.
مهما زاد يوم حملها...
بين لقوه اليقين .
والله معين
عرف لقدره عرض لصدره
خليه يساعي يلم كل شملها
وارسم دراع. ليه الف باع
وبسمه عامه حاضنه ولمه
وللحبايب واحه ومشاع
وارسم قدم. تحي العدم
تدوس تخضر صاحيه تبدر.
علي غيط و غله
وارسم لحله. مليانه خير
وارسم لقله. تونس لزير.
وارسم لراكيه. حضن الحصير
وخطط ولون
بس خلي العنوان معنون
وخليه مكون.
من اسم الولد.
. اسم البلد. وكنيته .
يعني. حصري
قول ده مصري.
.ومصر عشقه ودنيته
ارسم بقي!!!
ليست هناك تعليقات:
إرسال تعليق