مركبي!!! ١١٢
لو العمر طال وحكي
وقال عننا حكايات
ابقي احكي انت وقول
عاش حبنا مش مات
ابقي افتكرني بصدق
هاتشوف صور بدموع
قول ده كان حكايتي
وروايتي. وفيها كام موضوع
عشقي لعشقه براح
وما كان ف يوم ممنوع
تبعد تروح وتغرب
عن سكتي وتروح
تتوه عن الشط تغفل
تهجر.سفينه نوح
خليك سعيد ووعدني
بالذكريات . هاتبوح
قول ده كان ما بينا سعاده
وحاولنا نشفي جروح
بس الزمن يوم نزل
غطي الندي لعنيه
محي اثار محفوره
وكتب الالم بأديه
اصل ال بينا كتير
لو العيون ناسيين
توهه بموجه جرفت
بغشاوه ليها كاسيين
صدفت عيونا اللقا
ماعرفنا احن مين
قرب تعالي. وسلم.
ومد ايدك. هات
مش حبه حزن وبكي
وقصر. المسافات
راحت ليالي كتير
وكام فجر عدي وفات
وانت تحاول تنسي
كل ال كان من شوق
هاتبحر سفينتي تعدي
ولاعادش فيها طوق
هلبي طلع م الميه
وانا ماسك الدفات
ليست هناك تعليقات:
إرسال تعليق