سلطان!!! ١٠٩
سلطان راكب لحصان
وداس الحصان غول
دهوس وزاد ف الدوس
من بدري عام نول
حصان وصابه جموح
غوط كده وطول
ال يقول ده حصان
عربي واصيل جنسه
وال يقول ده حصان
شبه كتير انسه.
دهوس هرس للخلق
وقال الكلام هول
سلطان وزان سرجه
دهب ياقوت فضه
وزين لراسه بتاج
ولا مره اتوضي
كل الحصان مايفوق
يشده كام شده
يدوس لرقب الخلق
ما يهمه لو عدي
صبح الحصان جامح
طامح يكون حظوه
وامله ان يكون
وطموحه كان نزوه
صهل الحصان مره
وضميره كان صاحي
بكي وقال يارب
زادت انا جراحي
دهوست كتيرلخلق
وطموحي وداني
شيلت الذنوب بالكوم
وصلت حدي وداني
كنت حصان للسبق
هو ال ناداني
وخدني للجبروت
ع النار وعداني
يركب ع سرجي
وكنت فاكره نبيل
لكن باحساسي
حسيته انه تقيل
كنت ماكون راضي
وحاولت ياما اميل
وكنت حاسس ان
راكب لسرجي قابيل
شيلت لذنوب ياما
وتراب عليا يهيل
هاكسر انا رجلي
وع ضهري تاني مااشيل
واعمل كمان عيان
واغيب واتنكر
وطظ ف البرسيم
وميت طظ ف السكر
ليست هناك تعليقات:
إرسال تعليق