بقلم يوسف ونيس مجلع -- ايطاليا بريشيا
اصدقائي الاحباء بمناسبة الجمعة العظيمة و سبت النور و افراح القيامة ترنيمة بالعامية بعنوان [ عدلك رحمة محوطاني ]
القرار
و بتغفرلي تاني و تاني ------------ و حبك تاني اشتراني
بتعذيبك و انا الجاني -------------- و صليبك اللي فداني
-----------------------------------------------
قرار
بعد جحودي و عصياني ------ و جفاف عودي و اغصاني
انا بعت خلودي بالفاني -------- و ضيعت وجودي بهواني
بجهلي شوهت زماني --------- و ضعفاتي اللي ملازماني
و الاقي كلامك قواني ---------- و اناجيلك نعمة حفظاني
قرار
لما الشيطان غواني ------------- في بحر الهوان رماني
بقيت غرقان باحزاني ----------- زنوبي طوفان وخداني
لبأس الاعداء وحداني ------------ و يائس ظلام وجداني
و الاقي نورك هداني -------------- و ايديك قوة سنداني
قرار
عدلك رحمة محوطاني ------------- حكم بالحق و نفاني
و خلاصك بترتيب نجاني -------- بالسر العجيب الرباني
ملك الملكوت بجلاله جاني ----- اخد حكم الموت و احياني
تواضعت و اخدت مكاني ---- و دفعت اللي ماكان بامكاني
قرار
كسرت الوصية بشيطاني ------ و ورثت الخطية اسراني
سلاسلها للعدم شداني -------- و من الحرية طال حرماني
حررني المخلص ادم الثاني -------- نزل الجحيم علشاني
بالحق قام و صوته ناداني ----- و بقى الظلام فرح نوراني
بقلمي يوسف ونيس مجلع --- مصر
ليست هناك تعليقات:
إرسال تعليق