(..ام يزيد..)٢٧٠
كانت خالتي ام يزيد
في الوزن تعدي ال ١٠٠ كيلو
وكانت بركه تفيض
ويا بخته ال بتجيله
وعليها خفه ف الحركه
نفس طالع ونفس نازل
و شايله ف الكفوف بركه
تكون ماشيه.
عيون الكل بتغازل
طبيبه الاسره وليها واصفه
وده الكنز ودي التركه
وريحه جميله مصحباها
واعلي من أيها ماركه
تحط اديها ع الاوره
وتمتم تقول في السر
تقول قرآن وتدعيلك
وجنبك قاعده تروح بركه
تقول لاامك .ده زي الفل
بس انت مخضوضه شويه
ده واد جدع وسيد الكل
وعارفه هاتقولي ده عنيه
ويله ياختي وبلاش غلبه
روحي اغلي لي كمون
وبعد منهم هاتي الحلبه
وتقولي في ودني بهمس
بلاش تلعب يواد في الشمس
هااقول لامك
انا شايفاك يواد بالشورت
و تيجي امي بطيبتها
هاتيلو ياختي فرخه شمورت
لواحده ويشرب بس شوربتها
ولا ينزل شارع ويلف
وبمشيئه الله ع بكره يخف
ويجي بكره وفعلا اخف
والفرحه ف عين امي تزف
وهو ده بقي الدكتور
اجري ادور ع الدبور
من غير حبوب او سف
تفرح امي وتدعى وتعيد
وكام دعوه لأم يزيد
وعلي البركه
ليست هناك تعليقات:
إرسال تعليق