(..جاري..)٢٦٢
حيطي في حيطك
تبقي انت مني
حسن ظني
وزي.. اخويا
بحب وتبني
مش ابن امي
ولابن ابويا
بس لما بيتي
يخاوي بيتك
وفي السن تكبر
أسند لحيطك
ليك احترامك
وزي... اخويا
تعدي تسلم
بدون خداع
بدون لواع
ورتوش وبويا
ويطول كلامنا
وأحوالك ايه
وبعد سلامنا
وسمعنا صوتك
لو.. زام.. المنا
لحزني تشارك
وفرحي تبارك
ومفيش جمارك
لو مره جيتك
نفرح ....تعلي
ونروح نصلي
ولو ....امامنا
يامحلا صيتك
وبقينا... عيله
واسره واحده
والكل.... آمن
ومفيش ملاحده
اصل احنا اهل
وانت القريب
حالي وحالك
مبقاش غريب
ليه بس تمشي
وتسيب لبيتك
وتروح بعيد
خليك يا ريتك
العشره غاليه
ونصيب لقانا
ترغرغ عيونا
بدموع ملانا
اوعدني انك
تعدي... تسأل
بافعال .نبينا.
قدوه وتأسي
كان ف حديثه
ع جارنا وصي
وطال الكلام
سلام ياصاحبي
وليك السلام
.........سلام
,
ليست هناك تعليقات:
إرسال تعليق