(..كيال..)٢٦٥
مش احكيلك ولا هاقولك
ولا باقي من كلام يتقال
عز الشمس كنت انا ضلك
وفي حزنك كنت انا الموال
روح بكل احزانك
ولاتيجي يوم ع البال
ولاتاني اجيب سيرتك
ولاتخطر يوم ف خيال
كفايه الفكر والحيره
ف غدرك ال هد جبال
ولاهانطق في يوم اسمك
وادوس ع جرحي و اقوله
ايه مالك؟
حصان ووقع الخيال
حرام..الآنيه ليه تاني
ومين شاري. وبيعه حلال
ولو العيشة ..وحداني
وفي الدنيا مفيش غيره
ولو جاني وقال ميال
وكل خير..... شايلهوله
حافظه بجباله وسهولة
ولوالخطوه مشي أميال
خلاص خلص الكلام مني
وباعني رخيص ما. تمني
ملوش عندي حاجه خالص
غير اني
اقول يوم ده. كان.. مني
خسيس وجاور. الاندال
واشوف أفعاله في الدنيا
وفرحه يدوم لكام ثانيه
ولو خبط علي بابي
وكام خبطه وليها تانيه
هاقوله انا ياما ناديتك
ما سمعت كلامي لومره
روح وامشي انا نسيتك
وفاض الكيل من الجره
وروح دور علي كيال
..........سلام
ليست هناك تعليقات:
إرسال تعليق