(..كعبله..)٢٦٣
ولا عارف اقول سطرين
وحرف لكلمه مكتوبه
ولا عارف بدايه منين
وانا ال كنت لهلوبه
وسكينه وذو حدين
بتقطع كلمه مشطوبه
دلوقتي... انا... تايه
مابين نهايات ومحسوبه
غريق غاطس مابين شطين
ما عارف صيفي من طوبه
وكأني ماكنت يوم بحار
وسابح بفلوكه معطوبه
تتوه مني مابين قوسين
غشاوه ورؤيه محجوبه
مكان يدي بقي الخدين
وليه.. الكلمه ال مقلوبه
وانا كنت ابو العريف
وابين زين لمحبوبه
اتكعبل في كام كلمه
وسكني خوف مع رطوبة
مخضوضه صفحه اصفرت
وعايزه خلاص و سبوبه
ورش ملح وابخر
قالو وصفه ومطلوبه
ودق الزار وقول احضر
وحرمت ...واخر نوبه
تيجي العرافه وتقولي
لابد.. تعلن التوبه
ليست هناك تعليقات:
إرسال تعليق