طار الحمام ...
طب يالاه نام
واحلم وقول
بسرعه اوام
قولي ...
اخبار الصفقه ايه
ومين تاني مادد ايدية
ايشي نيوم ...
وايش فتح الحدود
لليهود والامريكان
ومين فتح بلاده
سداح مداح
وعمل معابد لليهود
تحت مسمي
قال إيه ... سلام
ماخلاص ...
طار الحمام
وانكسر غصن الزيتون
وغيم في سمانا
كلها ... النهارده بوم
طب احلم وقولي
امتي هايجي علينا يوم
امتي هانصحي
من أعز نوم
ويرجع يرفرف
في بلادنا الحمام
اوعي تقول ...
اني باحلم كمان
وان الشياطين
عربدت واتمكنت
وخلاص مبقاش
فيه ملايكة سلام
او إننا ...
هانفضل مقهورين
نسمع كلام
مفروض علينا
م العم سام
شعر : احمد المرشدى
ليست هناك تعليقات:
إرسال تعليق