تلميذك الشاطر/الشاعر منصور أبو قورة مجلة روائع الشعر والنثر وفرسان الحرف

 تلميذك .. الشاطر .. !!              

تلميذك أنا .. الشاطر 

وطول عمرى ..

انا .. فاكر ...

حبك .. وبذاكر ..

فيه.. ومالى ..

منه ..  الدفاتر 

ودايما مشغول بيك 

وباعافر 

ولعيونك .  يوماتى 

أهج ... وأسافر 

تلميذك أنا الشاطر 

وافهم  ف خبايا ..

رموش العين

واعرف جراحها ..

بتيجي .. منين

والقلب ..  لو  دب ...

ف يوم .. وحب

اعرف .. دقاته 

رايحة ..  ع فين

وجاية .. منين

وامتى  تزيذ ..

ف الهوى .. دقتين  

واعرف ف الحنان

وافهم ف الحنين

إن  كان عود ريحان 

أو  .. كان  ..

فل .... وياسمين 

واعرف .. المقدر 

والمكتوب ع الجبين  

تلميذك أنا .. الشاطر

وطول عمرى ..

ف الحب .. قادر 

وفاقد .. دفعتين

ومعايا .. شهاداتى 

مختومة .. بنجمتين  

تغنينى عن السؤال 

والأمر .. لو  محال ..

وصبح ف يوم خطير ..

معايا .  دبلوماتى  ..

واتنين .. ماجستير 

والدكتوراه .. ف الطريق

والحال عال العال

يا أغلى من نور العين 

تلميذك أنا .. الشاطر 

ونجيب .. من يومى 

وامشي ع الحبال 

والعب .. بالخيال 

ولا أجدع  خيال 

وصاروخ  ف الحب ..

ومهما القلب حب 

وداب ف المشاكل 

اطلع منها .. 

زى الشعرة م العجين 

تلميذك أنا .. الشاطر

وكله بالحساب 

طالما انا .. واد حبيب 

وف الهوى ... لعيب 

وطول عمرى ... كسيب 

ومليش ف شغل العيال 

والقلب فيك داب 

ومهما طال الغياب 

وكله كان مكتوب ..

من عامنول  ف الكتاب 

يعنى ...  متتقليش 

ف يوم .. عليا

وتكوى قلبى ..

بنار الأسية 

لا تلاقينى بغنيلك .. 

'' العتبة جزاز ''

'' والسلم نايلو  ف نايلو '' 

واكسر لك .. ف الإزاز 

ولا تشوفى يوم حنية

مع قلبي المسكين 

تلميذك أنا .. الشاطر 

واتعلمت ع إيديك

دروس ف الحب ياما

زي أفلام السيما 

من سنة أولى ..

ف الحضانة

وروحى فيك هيمانة ..

أتاريها .. من زمان

شربت من عينيك 

كؤوس الغرام والحنان

والقلب لما داب 

وداب .. م العذاب

صبح كتير ناسى

ولما قلب .. ف الكتاب

لقى قلبك .. اللى قاسى

واتملى ف العتاب

مفكر إنه يعنى ..

هيقدر ع قلبى

ويطلع ال مستخبى 

ويزود ف الحساب

ومش عارف إن حبك ..

صبح ف يوم سراب

من سنين 

تلميذك أنا ... الشاطر 

ومحير .. البنات 

ومدوب .. القلوب..

بالسكر ... النبات 

والعمل ... بالنيات 

أطلع .. ف عينيهم ..

يوماتى ..  وأهاتى

وكله .. بالأصول

وهم حواليا 

بالعشرات .. والميات 

أغنى .. ع الأرغول

وارقصهم   ع النايات

ومهما الليل .. يطول

نغنى للحب أغانى ....

مواويل .. ف عز الليل 

وبلح .. حياني 

والقلب .. لما يسكر

ألاقيه ع الناى يميل

ونحضن ف النسيم 

والنسيم  .. يبات  عليل 

والسهرة .. تكون صباحى 

بالمغنى .. والآهات 

والشهد ... والحين 

تلميذك أنا .. الشاطر

وفارس ف الميدان 

وطول عمرى .. أعافر  

وعندى ... كام ديوان

ف الحب .. والغرام 

والشوق .. والهيام

وأعلم .. ع النجوم 

ومخاوى .. من زمان 

والقمر .. يشهد بذلك 

والأهلى .. والزمالك 

واسألوا أهل شبرا 

ع اللى كان بيجرا ...

ف شبابى .. واللى كان 

واسألوا أهل الحارة .. 

وكت ... عن جدارة

وكله بالأصول 

وكله بالشطارة 

يا نور العين 

تلميذك أنا .. الشاطر 

بصطاد بالسنارة 

وبفهم بالإشارة 

يا وردة ف نضارة 

وحبى اللى  من زمان 

اللى مالى كل  شارع

ومغطى .. كل حارة 

يا وردة  عمري 

قلبي .... دايب 

يا بحر  .. م الحنان

وربك المعين 

الشاعر/  منصور أبوقورة 

.