يمين الله
،،،،،،،،،،،،،،،،،،،،،،،،
يمين الله بحسبك تصون العهد
هجرت الناس لأجل خاطرك
يمين الله سكنتك جوه القلب
وحبيت حياتى عشان خاطرك
لقيت موج هواك مد وجزر
فى بحرك تحطمت سفينتى
ريح أساك كان عليا جزر
تاهت خطوتى عن مدينتى
بدور عالقلب إللى خده معاه
هايم فى بلاد خلق الله
.
يمين الله سهرت الليل
والدموع تسيل منى سيل
لما غدرت وخنت العهد
القلب من غدرك عليل
الدموع تشتكى نار الوجد
طال بعادك وجوابك صد
نسيت ميعادى وكمان الوعد
إللى أقسمت عليه يمين الله
.
يمين الله صاين معاك عهدى
إللى كتبناه وحافظ وعدى
تبعد تقرب قلبك يتغرب
عمرى ما اجرب واخون عهدى
ح أكمل مشوار الصبر وأتعلم
م الدنيا لو الجرح فيا معلم
روحى لليأس عمرى ما أسلم
وأتألم مهما طال اساه
ولا أقول الأه يمين الله
.....
بقلم .الشاعر
الأمير _محمود
ليست هناك تعليقات:
إرسال تعليق