....رساله الى حواء ....
حواء دى اجمل هديه
من ربنا لابونا ادم
كل طعم كان قبلها
ناقصه شىء أو حتى عادم
حواء اسم لكل بنت
والبنات صبحت قاموس
بنت للأخلاق علامه
وبنت تديك اقوى الدروس
وبنت تسمع منها الملامه
واخرى قيمتها حبه فلوس
وبنت تسوى والله السلامه
وبنت على راسك تدوس
حواء اسم لكل بنت
والبنات على كل لون
بنت تشوفها تحس بأمان
تلقاها حوريه جنان
وبنت تشوفها تكرة ظروفك
لما فرق بينكم يبان
وبنت تعشق منك حروفك
تلقاها شاطره صاحبه بيان
وبنت تشوفها تحس انك
شايف خيال بصورة شيطان
وبنت ممكن تخربها عادى
وتقول على الدنيا السلام
وبنت تعلم اى راجل
يعنى اى الاحترام
وبنت كل حياتها ماشيه
بالادب والالتزام
وبنت كل حياتها عادى
تصحى تاكل وترجع تنام
حواء اسم لكل بنت
والبنات رحمه ونور
بنت تدخل ابوها جنه
وبنت تغرقه وسط البحور
وبنت شمعه وسط بيتها
والاخلاق طبعا طريقها
وبنت طايشه فى كل حته
محترمه بس ف شارعها
وبنت تكره كتر الكلام
تحترم إلى يصارحها
وبنت فاكرة كل شىء
كبوس فظيع مش فى صالحها
حواء دى سلم وسلامه
عند ادم اجمل علامه
ولأنها بجد غاليه
ربنا جعلها امانه
يالى فاكرين الشطاره
قال وقولنا ووكلينها والعه
مش كل بنت قدام عنيك
تبقى سهله أو حتى سلعه
اتخلص من مرض القلوب
بسببكم كتير حجات
لشفنا بيها ولايوم سمعنا
الحياة قصيرة جدا
والقبر طبعا جامعنا
خلى كل كلامك امانه
بفكرة حلوة وليها معنى
طارق العدل العدل
ليست هناك تعليقات:
إرسال تعليق