حيرتنى انت معك
منا كنت برضو بسمعك
لما تديق بيك الحياة
كان قلبى هو مرتعك
كنت تشكى ليا الظروف
ومين بكلمه بيجرحك
وانا كنت اواسى وحدتك
واقيد شموع فى مطرحك
حيرتنى انت معك
كنت أبادلك الاهتمام
واهون عليك حتى الزحام
وكانت سعادتى وفرحتى
انى احس انك تمام
فاكر كلامنا عن كل شىء
مكنش بينا حتى ملام
كان كل شىء فيه عتاب
يتنسى وقت السلام
حيرتنى انت معك
متقولى اى غير طباعك
متقولى مين كدر صفاك
دنا كنت درع ليك بقلبى
وكنت بدر منور سماك
وكنت انت دعوه فى سجودى
كنت وطنى وارضى وحدودى
كنت بسمه ساكنه قلبى
وكنت فرحه وسبب وجودى
كان نفسى مرة اسمعك
لو بالعتاب لو بالخصام
كان مستحيل اودعك
ولو فكرت تبعد عنى
كان دمع قلبى هيرجعك
حيرتنى انت معك
سعات اقول عين وصابت
ومرة اقول لحظه تعدى
مرضتش اقول حكايه وخابت
يمكن مرة خطويك تهدى
وسعات اقول لقيت بديل
قلبى يقول عندك دليل
وسعات اقول يمكن ظروف
وتضيع جوايا الحروف
وتصرخ نبضاتى الحزينه
مرعوبه مليها الف خوف
حالمه تشوفك وتناديك
وتعيش حياة بيك وليك
فرحتها تبقى فرحتك
حيرتنى انت معك
امتى بس اسمعك
كان نفسى حتى اودعك
قبل متضيع الخطوة بينا
وشموعنا تصبح حزينه
وتفتكر عشت بعدك
وروحى فارقتنى معك
منا ملييش عنك غنى
ولا ليا بعدك اى حلم
مكنش عشمى تحكم بهجرى
وحتى حكمك كان حكم ظلم
حيرتنى انت معك
انا عاوزك تظلم كمان
اجنى عليا كمان يا جانى
سبتنى سكنانى وحده
شوقى ليك بقى سجانى
يمكن تفرقنا الحياة
ويوم الحشر تلقانى
مستر طارق العدل العدل
ليست هناك تعليقات:
إرسال تعليق