أما أنا من غير كسوف
عندى حبة ذكريات
أفتكرها يجيني خوف
بتفكرني بالي مات
وعندي برضو ذكرى حلوة
من أيام الدراسة
خمسة ستة كانو صحاب
والوشوش فيها البشاشة
لما ييجى فلم هندي
الجميع قدامك يا شاشة
منهم واحد كان ظريف
فيه شبه بأحمد عكاشة
وزكريات مليانة ورد
أخاف أقولها لأي حد
لما كنت أبعت رسالة
يحمر منها أي خد
وزكريات مع أغلى أخت
لما كنت أذاكر معاها
تسمعني بكل الحواس
وتنسى أي شيء وراها
وزكريات مع غربة قاسية
فيها قلوب جاحدة وناسية
وزكريات مع أجمل صديق
وجودة كان بيبل ريق
كنا نعمل كتير مشاكل
ونولعها نار وحريق
وزكريات ولاد العمومة
ومدرسين وأمن وحكومة
لما قررت أبقى عريس
وعزمتهم على الخطوبة
وزكريات من كل ميناء
حر برد أو كان رطوبه
وزكريات بلحظات جميله
نسيانها فعلا اعجوبه
دى الزكريات بنور الشموع
الزكري تشمل كل الجموع
وربنا يسعد حياتنا
بزكريات مفهاش دموع
طارق
ليست هناك تعليقات:
إرسال تعليق