مرزق!!! ٤٨
خلصت الهم ال يبكي
وبقيت ف الهم ال يضحك
وانا مين يقراني ومين يحكي
وان نفس ملامحي ف ملامحك
خاوي م الضحكه وم البسمه
مفلس وفاتتني القسمه
جوفك بقي فاضي وراح قمحك
خلصت ع هموم الدنيا
وبتضحك من هم يبكي
ماشي بتخبط ف اقدامك
تترجي الزمن انه يسامحك
التخمه اهي زهقت من دمعك
وبتزعق وما حدش سامعك
بتخبط ع صدرك مره
وبتلعن هم سكن طمعك
ولسه هاتحكي
ماهي كل همومك بتبكي
طرق تمشيها و مسدوده
حلمك طموحاته محدوده
وتسأل نفسك
تحلم بالضحكه الموعوده
أنفاسك ليه طب معدوده
نظراتك تلج مع بروده
ترفع لعيونك لو مره
للقاع تتهد ومشدوده
كوشت ع ارض الاحزان
وزارعها يجي كام فدان
وحضنت رحيلك والتوهه
وغريق مش شايف بر امان
غرقان ولا مره تقب تعوم
مجهول عنوانك مش معلوم
لكن معلوم اوي للاحزان
مرزق!!!
ليست هناك تعليقات:
إرسال تعليق