( بكلمني ) ٥٣
كل ماروحله ملقهوش
وأسأله!!!
....... ياعم انت فين?
وليه ياانت مانتقابلش
يقولي كان وشك بشوش
والكلام خفيف وألش
فجأه ليه لف القادوس
والضاحك بقي ليه عبوس
حد تاني مش عارفني
كأن طالع م الفانوس
لهجتك مبقتش هيا
والكلام مش ف القاموس
والأمان بينا مانالش
انت ليه مبقتش انا
متلون كيف الطاووس
ده نفس يومنا والسنه
ولا انا بعيش كابوس
للبعاد بينا ماعالش
روحت فين!!!
كنت كتير تقعد معايا
معاك وعارف للنوايا
والهوي كان بينا واحد
راح وولي وليه ماملش
تروحلي ولا انا كنت آجي
كنت أخاف عليك واحاجي
كنت انا انده واناجي
تقولي متخافش عليا
الوسواس بينا ماطالش
سبتني واهملت حبي
ومستني وقاعد اصبي
وادعي ع شر المخبي
ولسه بدعي ليك لربي
ومسامح وقلبي ماشلش
روحت ليه قافل لبابك
ومتاريس حولين حصوني
نشفه ليه وفين لبابك
ونبرتي ومش هو توني
والود عدي وليه مازارش
ده انت لونك نفس لوني
ونفس كونك هو كوني
حتي انا لابس قميصك
وانت لابس بنطلوني
والخصام بينا ماطالش
واحشني يا انا!!!
مش تبقي تيجي
ليست هناك تعليقات:
إرسال تعليق