يوميات مهيس...!!! ٤٢
بقي كله راسي... علي المراسي
ساهي وناسي لرب يحاسب
ع المهالك ...و ع المآسي
وبكره دين وكتاب مايغفل
وكله نايم...و كله قافل.
والف سافل... عامل انه غافل
وسكوت مخيف وطشاش كفيف
وشيطان بيعوي جي بجحافل
لاهمه فرض ولا نوافل
وهات ... ياحش
بعضعض صوابعي
ومش... ده طبعي
وميت خساره صبحنا قش
وزمار يزمر... وعنيه يحمر
عمره ماشمر ولامد يده
غير ف جلده.. وضميره غش
رغي..ووش وكله دش
وامتي يجي ...ولد يصحح
وامتي اسمع ...القرن طش
بقي كله بخ .اجوف وفاضي
باصم وماضي وصبح مفش....
ابن الحلال... رضع من امه
المر داقه والقهر سمه
دخل بصدره ومات ماعش
وطبالين. ورقاصين
والف هزه مع انه معزي
وهات يارقص
والحار بارد ...والتلج شارد
وزعابيب بتمطر. شبح ومارد
والمر علقم والف طقس
وميت ابو لمعه
مرمغ لسمعه... وبقي كله هجس
ومكيالين ...وميزان مهيس
مفيش كويس...وبندعي كوبه
ناقشين شعورنا... وايه شعورنا
بس بندعي ...ع اوروبا
بس هقولك كلمه ف ودنك
والله ياصاحبي صبحنا سوبه
والف دمعه ع بيت وجامعه
وميت الف جمعه ...والطير مانش
طب سندوني وروني قبله
ياخلفه هابله..روس وسبله
فين الرجوله طب طمنوني
ولامفيش ...مرعوب وكش
ياميت خساره مفيش لرش
خليه ف بالك وضبط لشالك
وخد مجالك ماكله دش
العواف ياختي !!!!
ليست هناك تعليقات:
إرسال تعليق