محوج!!! ٤٦
بقي لاساده ولامحوج
بقي اسود سواد الليل
وطريقه شمال ومتعوج
وعامل اعلانات عنه
وبقي لغدره بيروج
بدام حجر العنين جامده
وجته رخيصه قول هامده
ونفس لاشبعه ولا حامده
يزيد الهم ويتوج
وكيلي يارب هو حسبي
مفيش انا مين ومين نسبي
شقوق كفي دليل كسبي
بقيت تايه وفين شمسي
وراح امسي بقي مموج
خطاويا كتير بلا فايده
ومش جايه ومش رايده
غوامق الألوان سايده
وقدمي زعق بقي ملوج
مفيش حصيره ولا ضله
مفيش م القمره لو طله
مفيش ورده مفيش فله
بقت قله
ومش لاقي للزمن مله
ف حضن الوحده متزوج
ووحداني.... وطال شوقي
اتعالي فرشي بقي فوقي
خلاص خرجت من طوقي
ونفسي لنفسي متشوج
بقيت ساده
بقيت غامق
بقيت بالهم ...متحوج
ليست هناك تعليقات:
إرسال تعليق