( خنشور. ) ٥٠
وخنشوره وكام خنشير
ع الدنيا وبالطباشير
وصور ومزوقه المناشير
وملعب كبير منصوب
ومخطط ببؤجه جير
وازمه موجوده ف الصاج
عشان غالي علينا العاج
لكام تمثال نحته معطوب
وعشوايه طعميه.
ومخصمانا لحوم ودجاج
وكبير الهجاسين مجعوس
وع راسه الف فانوس
وشمشرجي وبيشاور
راكب فوق القلوب بكابوس
وقول كام تك .هات اسمك
ويطلع سك .. فيه راسمك
وتصفيق حاد
سأفوا ياولاد
وده فايز ...ودي فايزه
ودي كسبانه ... للجايزه
ودي مقموصه مش عايزه
وياعيب الشوم
عيون ...بتزوم
ماتيلا ....نقوم
بقيت... مأزوم
وحاسس. ان هاضلم
وجاي دوري وهاتكلم
وقول تييييييت
ومحشوره بين الحلقوم
واديني قولت..شوحت سخنت
ونبرتي عليت .و تخنت
وبقت كام تيييت
لقيت كام نظره بصالي
وم النظره قالوا عبيط
وماشي عكس التيار
ده رايح النار
ومش راكب ولا موجه
وعقله مفصله نجار
ده متزمد ده متعمد
وليه ماحشناه وايه حاشنا
ده شكله كده هايوحشنا
وداهيه تشيله ف الهوجه
وخلصت ف المولد قولي
ومفيش صوت
زار المولد ...ملك الموت
لغي السقفه... لغي البسمه
قفل كل حناجر الصوت
و مفيش أحسنت
وندهوا كشف الفايزين
ع كشف لناس عايزين
ومطلعتش من الحايزين
مبسوط وحزين!!!
مااسمي حروفه تايلندي
وجه عندي... ومفيش شكرا
عملت رزين
وخرجت وخدت كام صوره
مع الهوا ال كان موجود
طلع الهوا. ف الصوره
اما انا.... منيش موجود!!!
ليست هناك تعليقات:
إرسال تعليق