(حدوته عربيه )٤٣
ألحدوته. من زمان
لما كان.... طوبه ونبل
والمكان نفس المكان
دق فيها. الف طبل
والعيون صابها الغيام
والعقول جه صابها خبل
والولد. نفس الولد
والتراب نفس التراب
بس هو ال زاد عليه
ان كان عشمه سراب
الشيطان فرق صفوفنا
راح وجالنا بالف جن
والف آه هناك سمعها
جرح نازف كان يئن
والطريق خلي بينا واحنا
قولنا مش حابين... لزن
الشيطان وسوس بقوله
الجهاد شوف ..ايه بديله
جرب لطرحه... الخنوع
وجرعه م طعم.الخضوع
احذف لكلمه ....رجوع
سيب ابرهه يرمح بفيله
سيبه يهد لكل عش
العقيده.يمحي يخش
فارق لارضك. امشي هيم
والقدس تصبح.اورشليم
واشتل الرعب ف قلبك
ف السما يطرح لغيم
والحروف تتقال وترجف
وسمفونيه من اللطيم
القلوب صابها الوهن..
والعيون زاغت بشوفها
السواد لوشوش دهن
واليمين مفيش ... وشوله
زرعوا خوفنا ف الطفوله
والهلال راح واترهن
وابتلاء ...
امه صوتها صبح مواء
والف حي ...ع السلام
وع الجهاد مليون طلاق
والف تفسير... لمعني
ولا اجتمعنا.. ف الخلاء
والأماني ليه مش معقوله ..
وكل راياتنا مش مغزوله
والعود محني وخرع الساري
سهينا نسينا القبله الاولي
صبح الحق هناك مداري
اه ياخساره الايد مغلوله
قالو نببيتهم صبحت عوجه
ومابتمشيش ف طرق معدوله....
غاب الفجر .
طمع الغدر.
صبحت ليه اليد الطولي
دمر شعب. وهد بيوت
دمر زرعه وشجر التوت
بيمحي كل معالم الوش
ويبني مكانها لكل الغش
لكن والله مهما يطول....
مهما يسفك دمي الغول
مهما بلايا الدنيا. يرش
مش هاتراجع ولاراح اكش
ولا بعيش ف الا معقول
حتما هاخد روحه واش
لااعيش راجل
او مااعيش
معانا يارب!!!
ليست هناك تعليقات:
إرسال تعليق