( بيانولا. ) ٥٤
وبيانولا...
وعمي عويس. بينادي
بيانولا ....تعالي شوف ..
ياواد انت .. وياولادي
دي ناس غاليه... وناس ساقطه
وناس عيشتها ف اللقطه
وناس شاربه المرار ف الكاس
و ناس تاجره... وناس فاجره
ودي صوره لناس مش ناس
وطفل والبكي ميت واء ...
وعيله اصبحت اشلاء...
.ورجل الباقيه م الجته
وام ف وداع ابنه... وطفله وقولها يتعبنا
فاضل واحد من .العيله وكانت من ساعات سته
ودنس ورقص ناحيتهم.... ولا عمه وعمتهم
صحيح الفكه عمتهم .... وماتت فيهم النخوه
يا عيب الشوم كانو اخوه ...
بحكم الدم بحكم الدين بحكم الهم
خساره... الوداد فارق وراح مااتلم
وكام صوره وكام اسوار ....وكام خذلان من الجيهه
وكام لقطه لضرب النار ... من جيه ومن جيه
وادي لقطه وزي ال بعديها ...
.اخليها....ولا اعديها!!!
دي صوره. وكنت ناوي اهاديها ....
لزمارين الحي. والحته
ليه طافي النور. وقول الزور
عطن وريحته طالعه م العته
لو ليكم عنين شوفوا
وزوروا ألحق ليه طوفوا..
.ودي صوره بطل حافي ...
ع كتافه شايل امله
وسلاحه ماسكه بكفوفه
وده امه بتدعيله...ولا حيلتها تديله
غير شويه دعا من القلب
وكام صوره ...بدون مونتاج ...
ولا جراحه ولا تجميل
ادي صوره لكام عيله وعليهم البيوت بتهيل
بقت انقاض وكام طوبه. وكوم هلاهيل ...
.وحفله ع شرف الدم يقيمها الف عم وعم ...
وصرخه جنبها كام طم
.وصوت الغم يغطي.الكون..
يحاولو ان يعلي الصوت ويعلي التون....
ويغطي
وصوت القصف هناك أعلي وحالف انه مايوطي .
..وعلم شايله نزيف الدم وكام حلفان انه مايخطي....
ويزعق كل ديب مرعوب ... بعيد عني وعن شطي
يا عيب الشوم...
الصوره تنطق واصلي تعبت م رطي
وبيانولا....
و مشهد ... والتاريخ يشهد ...
رجال صدقوا ...وده المشهد
رجال عايشه ..لكن شهدا
وناس ماتت ووسط مننا البعدا....
.وبيانولا.!!!
...
ليست هناك تعليقات:
إرسال تعليق