سفروت!!! ٤٥
سفروت سكن ف الحي
ماسك لكام نبوت
خلي الضحايا كتير
مليون تابوت وتابوت
دم وأشلاء ف غزه
وبموت رايح بيروت
وراعيه هناك ف القاره
كاتم لكل الصوت
عينه لمين يعاديه
بفيتو معاه محطوط
ارضي تأن بتصرخ
دسين هناك مخطوط
وسفروت هو العصا
هو الحصي الموروط
قاتل اهو وسفاح
سفاح وماله شروط
ولع وزاد اللهب
مارد لكن مسخوط
فارد ع اهل الناحيه
وانا مركبي مشحوط
شاحط ف وسط البرك
روبه بطين مخلوط
ياخلق صحو النوم
باقيلي ورقه توت
من صمتكم مسموم
من ردكم مكلوم
من فعلكم منقوط
ليه دمكم بارد
والوش شكله كيوت
ياهوووووو!!!
ليست هناك تعليقات:
إرسال تعليق