(انا وهو )٤٦٩
اتسبقني
اترهقني
دي هي نفس تفاصيلي
وخلجاتي ومنديلي
المربوط ع اورتي
وظابطه زي انا ماظابطه
ورابطه زي مانا مارابطه
ونفس الذكه ف أقدامي
وماشي تذك قدامي
وانا شايفك
صوره ليه ومطبوعه
وعامل ان خيال تاني
وتسبقني
ومش لحقك وترهقني
اكون ماشي انا ع الشط
تروح للبحر تغرقني
طب أسأل ليه مخاويني
ملازمني
ف تفاصيلك بتأويني
ومش سامع لندايا
و بندهلك
وساعات اقولك ع مهلك
ياعم ارجع رايح تهلك
تقول مالك
اقول مالي !! مانا اهلك
وتؤرقني
و معايا ف منامي
ساكن حلمي وأحلامي
وتاخدني ف جبال واعره
وتحرمني من بساط سهلك
ياعم ارجوك ماتسبقني
وعيش عيشتي
وعيش مري وبشبشتي
عايش انت خيال تاني
وانا اخري حدود طشتي
وايامي شبه واحد
ومساويه
لسنان مشطي
غلبت احاكيك واقولك
اتسبقني
خلقت ان تهاودني
ماتشقيني
وترهقني
ليست هناك تعليقات:
إرسال تعليق