( نهنهه.)٤٧٨
وانا واقف ..ف شباكي
وشوفته من الوجع باكي
وشايل الهم فوق الراس
ياواد مالك
ورد عليه مش حاكي
عشان خاطري وايه جالك
وليه دمعك بيملا الكاس
بقي ينهنه
....وبيتهته ف كام كلمه
وسند بدماغه ع الحيطه
وضهره ليا و يعيط
وانا ساكت ومستغرب
كاتم بيره ومتخيط
ياواد رسيني ع الفوله
ياواد ركبك ياواد وسواس
سامعك بتقول معقوله
وبتستغرب..ودمعك حاس
وانا زيك
تكنش من امنا الغوله!!
يكون قلب لقلبك داس!!
وشويه ميه اديته..
وكام كلمه وهديته
وقولت اقعد ...
واحكيلي ولا تبعد
ده غاليه الدمعه دي يابني
وتتاقل بدهب علي ماس
اوعاك تزعل من ناقص
وياما ناس كتير مش ناس
ياواد خدها كده قاعده
الزين شيله فوق ع الراس
والعفش خليه ف مكانه
مكانه الدوس مقامه مداس
وماتبكي يوم علي حرمه
...لو مايله وماليها اساس
وشيل اصيله بين رمشك..
.اصيله وعاشت معاك احداث
وبلاش...تحكي وبلاش تبكي
علامات واحفظها ف الكراس
و لو بير وهاتفحته بأبره
ولا تشحت م الخسيس للفاس
وعجبي
ليست هناك تعليقات:
إرسال تعليق