انتم مين*
................
انا غ زه الحره العملاقه
وانتوا حضراتكم مين
للنصر القادم مشتاقه
بولادى الجبارين
بولادى لا سمح الله
ابداً مش ناس تانيين
خذلونا صحاب المنهج
واطفالنا مذبوحين
يا مطبعين.....
يا مطنشين
النهج العربى فين
النهج العربى بينهج
أضحوكة الغربيين
..
خذلونا كل اخواتنا
خذلونا ولاد العم
ولا حَوق شكل شتاتنا
ولا حَوق فيهم دم
..
وولاد العم كتير
كتير من غير تأثير
من غير براهين وادله
اعتادوا يبقوا أذله
وخذلونا الثوريين
وزى المنبطحين
طلعوا كتير مش إلا
رايحين او جايين
وهتيفة اهل المله
والصاحيين والنايمين
وكله ليه ١٠٠ عله
..
وقف معانا
بقلب ونخوه
ناس من اُمه
غير امتنا
..
ناس فيها عزه
شداد مش رخوه
تنطق لغوه
غير لغوتنا
..
بعزم وهمه
صدق وزمه
وفكر ومله
غير ملتنا
..
ايوه مله غير المله
..
وقف معانا
ولاد مانديلا
..
وقف معانا
ناس احرار
والاطهار
وإللى قلوبهم
فيها عمار
واللى مانعهم
عنا حصار
وحبس ضرب
وقتل ونار
وهما سلاحهم
بس دعاء
ووقف معانا
على استحياء
ناس جواهم
بنى ادمين
واللى بيدعى
جوه وف نفسه
وبيستنا بعد النشره
امتى وفين
ينطق ب امين
..
والنُصره جت
من أهل الشيعه
من غير تفكير
نُصره سريعه
..
لا قالوا خلاف
فى المنهج
ولا قالوا خلاف
فى الدين
..
ولا خافوا
وحسبوا الحسبه
ولا خافوا م الاساطين
..
واخواتنا الحوثيين
اتّحدوا الدنيا عشانا
سمكه قدام تنين
عفريت طالع م العلبه
قلوبهم صُلب متين
وحيطلع منهم بكرا
من تانى صلاح الدين
..
وانتوا .......
انتوا الحجاج يحكمكوا
ويجلدكوا تقولو امين
الصمت وحشو بطنكوا
وغشاوة قلب وعين
الكبسه هى غايتكوا
وجهاد فى اللحمه مبين
روحوا منكم لله
وحسابكم يوم الدين
محمد وحيد
ليست هناك تعليقات:
إرسال تعليق