( المسافر. )٤٧٤
مش كنت مسافر مش قاعد
واخترت البعد و تتباعد.
وبتختم ختم ان مغادر
ليه.واقف.و تقول مش قادر
وده قرارك. ومن جواك صادر
لو مش شايف.قول مش ناضر.
واقعد جنبي
وبطل للغلبه. وما تناهد
وخليك قاعد
واترجي السما ان تساعد
انما لو عايز تهرب مني.
وتهرب منك
نط أسوارك. وامشي بعيد.
وابعد عن كل مكان فيه عفره
فيه لقمه بالناس كافره.
تايهه وبتراوغ للشفره
والنفس جواها مش راضيه.
خرجت من توبها كمان نافره.
خدت همومك مع خلجاتك
خدت حاجاتك.
خدت الدنيا ال تحب تعيشها.
اتحققت... خدت الوقت
هاتميز بين بسمه وبسمه
والضحكه مع غيرها الصفره
بتراجع نفسك.
وعايز الدنيا وبريشها
ومعاك راح تعمل ناقله
حسك رجليك منك تاقله
اوعي تقولي انها تاني رجعت عاقله
يلا وروح ودادي الروح
لو هي جواك مش سائله
يمكن تنسي هناك لجروح
يمكن تلقي امل مطروح.
وروح متفائله
يمكن تعتر فيه وتلاقي . جواك باقي
ولاتلاقي. طريق مفتوح
بس اقولك كلمه ف ثانيه
خلي اديك تحن و عون ع ايدك التانيه.
وليها تساعد
ولو صعب البعد ...خليك جنبي وماتتباعد
لو هاتصمم خلي جروحك ساكته وصامته
مابتتكلم ...وامشي وعلم.
وازرع كل ارض تحط عليها بكام ضحكه
واوعي تسلم
يمكن تطرح يمكن تفرح
يمكن بكره تنفع غيرك
متوه و مطرح ... يلا روح
راح ادوس ع قلبي
واكتم حزني وليه ماهابوح
وابقي ابعتلي واقول طمني
قولي انا قابلت امل موجود
وجاني ف صفي
قريب من سني فاهم لغتي.
فاهم قولي فاهم كل اشاره بكفي.
وماتنساني وبوعدك وفي
مع السلامه. يا انا
ليست هناك تعليقات:
إرسال تعليق