( الطيبه. )٤٧٣
بتندهلك وبتقولك
انا حيطك وانا ضلك
انا العزه انا الستره
انا اهلك وانا خلك
وهنا مكاني وموجوده
وانت بتحبي ع الفطره
وانا غطاك وانا أياسك
وانا ال عايشه للذكري
وحافظه الخابطه
من فاسك
وصوت خطوايك
مع مداسك
وانا امبارح وانا بكره
وعارفه الاهل والعيله
ومين اهلك ومين ناسك
مانا منك
وطيني شايل معاك شيله
وعاشرت كتير لكام راحل
وسني يعدي بمراحل
سنين سنك
كتير ياما و مايتعدوا
كتير داسوا كتيرعدوا
وعشت يوم مع جدك
وقبلها.قسمت رغيف
وبصلايه مع جدو
وانا امانه وشالوهالك
وانا نصيبك وده حدو
انا من اول الترعه. لحد
ما تشوف عنيك مني
انا من اول الدنيا
لاخر العمر .وده ظني
هاتديني من عرق فاسك
رح اديلك تاج م العزه
يزيد لكرامه فوق راسك
هاتسقيني ومش هاعطش
هاتفرح انت مع ناسك
ولو عرقك يوم هملني
ومن غير حب عاملني
وخد مني وماكملني
ونسيتني ورميت. فاسك
وزارك الفأر جه داسك
و ترجع تاني تندهلي
هاتكاسل
ومااسمعك واصل
.وارد عليك ع مهلي
وروح خبط
.ف الحيطان راسك
ليست هناك تعليقات:
إرسال تعليق