( شخابيط )٤٦٤
شطوط وتاهت ...عن عيون البحر
وخطوط عوجه... مخاصمه الفجر
طيور وسابحه... ف ملكوته طايره هنااااك.
بتطوح دروشه او سحر
كل الخلايق... بداري ف عيونها
ده تحت نضاره... وده مداري بكفه
كل الدموع رايحه... وجايه ف صفه
يتبل كمه وكفه... من ندي عينه
ما قبل منه كتير.... راحوا اتصفوا
راحوا خلايق بعيد... ولامشيوا ف الزفه
مع انها ليلتهم... لكن ولااتزفوا
مكتوب هنا اسمهم... في ورق كراريس
فيها الوصيه... عصيه للمواريث
ماتت حروف اسمه... وقبله اتوفوا
بعد الشقي والجري...م الشقي اتكفوا
كل الشطوط ضاقت... م حل وم حالهم
عرايا جايه صارفين... ع العري مالهم.
عرض لجمالهم.وحالهم ...ع الخطوط عوجه
توب الخجل مقلوع... مع الموجه
طلعت خيوط الفجر... راحه وبراحه
تطبطب ع مخاليق... محرومه م راحه
جايه كده من غير ...وسطي ولااسطي
وتمتمت بحروف... متعطره صراحه
حطت طيور طايره... وكانت هناك سارحه
غرزت ف قلب الفخ... وجابت لناس فرحه
لبست عروسه المولد... للفرح طارحه
بفتح شبكتي لاقيتها... صايده طيور جارحه
نزلت دموعي كتير... والفرحه راحت ولت
نزلت دموعي سيول... وهدمتي اتبلت
مسحت فرح جوايا... زلت كمان مليت
رايح وكل ال فاضل... خطاوي معدوده
بتقل والرصيد... يمحي نقط سوده.
ونقطه كمان جنبها... عوجه ومحوده
وماشي ف طريق... ولا اكمنه ومتاريث.
حرفي هناك مكتوب... ف دفتر المواريث
باب تروح خارج... وباب دخله عريس
وفرحه من غير غنا... ولازغروطه ونقوط
زي بحري غويط ...ومش شايفله شطوط
حاشوا شعاع الفجر... ومش شايفله خيوط
ياخلق ....تووووووووت.
.
ليست هناك تعليقات:
إرسال تعليق