(وحشتيني )٤٦٦
وحشتيني
كده وخلاص
بتراب محني لكفوفك
برتم حزين قاله دفوفك
هنا وهناك وع الترعه
وبالزلعه وب البلاص
كده وخلاص
تغور مني حاجات وحشه.
لكن بتمناها ان تعيش
ملازماني اصلها مني
ومش جيره. ولا حيره
ده شيخي كاتبها ف الكراس
ماهي الغيره
ما تعرف الا راجل راجل
ولا تعرف م الرجوله انصاص
وحشتيني. بقولها. ومكسره حروفها...
وحافظها وليها قصاص
كده وخلاص. !!!
هاقول توت.
واجيلك سابق القضبان.
منيش غضبان
ومش واقف ولا محطه.
وهابعتلك عقبال ماجي
عيون حراس.
كده وخلاص
ولما شوف عيون قلبك.
واتوه وانا طفل ف دروبك
باكون شايف سواد ليلك.
مع فجري بيتعاركوا
وتبكي ساعتها دموع ودني
ال سامعاكي
. وطنين عيني ال شايفاكي
مانا خلقه و غير الناس.
وان الدنيا كلها ف كفه
ومتقاسه ومتعايره
وانتي. مركز الدايره
وعيارك دهب قولي ماس
ومكان هاتكون انا راح اكون
.ياريت ضمه ياريت و سكون
مانا بيكي يابنت الايه
انا درويش انا مسكون.
لكن صدمه.
ومنك باقيلي العضمه.
وهمي بالعرق معجون
ومفيش ليه غير الكسره
وامشي اعتر. من الحسره
والملم حالي واتبعتر.
وتكون بصره...
وكل الالسنه صامه
مفيش مره اشوف نصره
لامره طاقه الفرح فاتحه
ولامره للفرح لضمه
ومتعود.
لحد عندي وتحود. .
ولفضيحتي تدقي اجراس
وقافله لكل ابوابك.
بكام ضبه وكام ترباس
وجزالي ع سنانك
وبسمه.حرسها الحراس
ولو الومك او اعاتبك.
او اراسلك اواكاتبك
يكون قولك .
كده وخلاص
طب خدي قولي
وهاوديني
.ده.حبك.اصله من ديني
كده وخلاص
.وحشتيني
ليست هناك تعليقات:
إرسال تعليق