حب اناني ...
أجمل ليلة
عيوني شافتها
نسيت حلاوتها
عشان ارجع اعيشها
معاك من تاني ..
لمسة ايدك
لما المسها
بتاخدني ..
لعالم تاني
ولما اسمع
دقة قلبك
وانت واخدني
فحضنك ..
بانسي الدنيا بحالها
وانسي نفسي
وانسي زماني
انا استنيتك
عمري بحاله
ليه موش قادر
تستني ثواني
انا أول مره
عرفت احب
حبيتك انت
ليه طبعك
دايما وياي اناني
ليه مع أول
زعله مابينا
عايز تمشي
وتسيبني ..
لوحدي اعاني
انا عايشه
بس بحبك
من غير حبك
ازاي راح اعيش
يوم تاني
جرب ..
حبني بس
مره في عمرك
وبطل تبقي
معايا اناني
شعر : أحمد المرشدي
8 فبراير 2024
ليست هناك تعليقات:
إرسال تعليق