عادي .. !!
عادي عادي
كله عادي
وزمان جدودنا
في المثل قالولنا
لما تتلسع بشوربه
ابقي انفخ
في الزبادي
كله عادي
في بلادنا
الغني بيزداد غني
والفقير يفضل بفقره
امر عادي
وتمشي امورك
وتاخد رشوه
شقه في المعادي
بردوه عادي
والتهرب م الضرايب
لكبارات البلد
عادي عادي
وتخريد المصانع
وبيع الأصول
بقي امر عادي
والدولار طول عمره
طالع في العلالي
والأسعار تغلي
ما ترخص
عادي عادي
بتقول ايه
ايوه طبعا
كله عادي
لكن تقول
كلمة حق
لظالم
ده بقي
اللي عمره
ماهايبقي
امر عادي
فخليك كويس
وامشي جنب الحيط
تبقي كويس
ونمشيهالك
ياسيدي عادي
احمد المرشدى
16 يناير 2023
ليست هناك تعليقات:
إرسال تعليق