( حروف تايهه. )=٢٠٨
عمري كله حرف جر
عاش حياته وبعمر مر
من دروب الدنيا سر
بقي مجرور وحرف جر
كل ورد قطفه قطف
اصل كل حروفه عطف
اصل لما عليكي لاف
كان أساسي ومش مضاف
حبتين يداري كلامه
من الكلام و عليكي خاف
وحاوط عليه م الكسوف
اصل كان ليكي هو واصف
وبرده ليكي كان ال موصوف
اصل انتي حروف عنيده
كتيره حكاويكي وعديده
كل جمله ناقصه كلمه
ولا جمله تكون مفيده
لمي حرفك من كل اسم
واكتبي كلمه وحيده
وابد أيها مره بأسم
او صفه خضره ..ووليده
اصلي حرفي ليكي وسم
ليكي واصف وبرده رسم
وحامي حرفك م المكيده
اصل عمري ماكنت فعل
رغم كل فعله ليكي
كنت ديما رد فعل
تحسه وتشوفه عنيكي
المضارع بقي معاكي ماضي
والماضي ودع ومات
وال بيبقي بين الحبايب
وكان معاكي راح وفات
وال سابه بس عايب
بعد ماكان حاضر وعايش
صبح ضمير تايهه وغايب
ولما كل الحلو جبر
حكايتنا كانت مبتدأ
وصبحت الحدوته خبر
..و...يااااااخبر
ليست هناك تعليقات:
إرسال تعليق