غلبان ...
الجيب مخروم
ولا بيستني فيه
ريحة النقديه
وحماتي طلعت نكديه
بتخلي ليلتي هباب
لو ما دخلت
عليهم بهديه
وانا داخل او طالع
بينقرزوا فيا
موش لو كانت
اخدت ابن الميكانيكي
كان جابلها
حتة عربيه
وانا بعت
كل اللي معايا
في شقه
وحته شبكه
والحاله معايا
بقت دكه
ومستني نقوط الصباحيه
وجنيه غلبان
زيي تمام
خلاني متشقلب حالي
موش عارف
راسي من رجليه
وعجبي .. !!
شاعر مهندس: احمد المرشدي
5 يناير 2023
ليست هناك تعليقات:
إرسال تعليق