زجلية تحت عنوان:
طابوهات ***
بَ لْغا لبهوت...
ذيك زينة لبنات ليها خرجات
المظهر والزفوط
هز مرهوط حط زعطوط
ذبالو غصانها ؤرشات
بغات الحرية...
الفردية والتعددية
باعت لحمها بالرخص ؤ تبلات
خلعت الحشمة ؤ تبرجت
م كفاها عرا ؤ لحوايجها قطعت
م فكرت م رمشت ؤ مع الموجة مشات
صبحت عزري الدوار
لا من يلجمها ولا يجيب خبار
ملك عام...
ؤ بين يد لخملة فتات
فرطت في لعزة ولعناية
عادت دواخلها بالمكر شواية
م حشمت وخا زمانها فات
عقلها مثقوب مخربق
مرة تغرب مرة تشرق
اختارت الدق وسكات
من الاول كانت عوجة مايلة
طاحت على راسها ولات صايلة
جوج وجوه زعما رزانة وثبات
ذيك زينة لبنات
م طايقة عش ولا صدق ولا لمة
غير تسوط ؤ م تزيدك غ غمة
ضيعت لمعقول وتلفات
ظنت الدنيا متعة وتفركيس ؤزواق
الرّجل ف الغيس لهزان ؤ نفاق
لا صدق بقى فيها لا حياة
فنوض اصاحبي ربي عاد طْلَق
م تلبس عار فسلعتك عَرق وسخة حمق
لأصل تشوط والصالحات مشات
بشوكك لي زرعتي اديتي الصالحين
ها المتاعب ها الشر ها الضايعين
زدت الارض بلة ؤمنكرات
فنوض تجمع صلح كبادك
لا تخليهم عاهة ؤ يزيدوا نكادك
علمهم لمعقول ؤ لوفا ؤ لحشمة بالذات
ؤ على حب الله كبرهم...
كون القدوة علمهم ؤ كونهم
ؤ م تْهرب من الحق والمسؤوليات
فشحال من زينة لبنات
عادت بومة ؤ ف لحفرة هوات
بل عادت علة...
ففيق ؤبخر عشك بالطيبات
*** الزجال والشاعر: احمد الكندودي ***المغرب ***
ليست هناك تعليقات:
إرسال تعليق