( هلوسه هلاويس )=١٩٩
انا عاوز اهيم واكتب حروف غامضه
تيجي تشوفها ماتشافش
لا زم تولع لها لنده
وان حاولت تفك في رموزها
تلاقيها.عاصيه.. ومعانده
عاوز اكتب انا هايم
لكن عايم
وعلي شط البحور نايم
وروح كاتب كمان واقول
انا طاير لكن حاير
مابين عدله وبين داير
مابين كرته وبين واحده وليها دفاير
واعد واكتب واقول اشعار
وخليها نار في مرار
واخش كام جروب وافلح
واكون من اول الشطار
بس اختار
حاجات غامضه
واعمل تقيل قول كام طن
واكون جته تكون هامده
اطلع الكلمه بالعافيه
تكون لابسه وماهي حافيه
واتمعن قوي فيها
لاهي نار ولا خامده
ونمقها... وقفيها
وحاجات جوايا تكون سايلنت
وغيرها حروفها اخفيها
وحاجات اجيبها كده عاوزه قاموس
مكرا مفرا واقول وادوس
ولاليها انياب ولاليها دروس
وماتتفهمش غير بغموس
تيجي تقولها تروح منك
تقول ماتقلش غير بفلوس
و تيجي الشمس متعامده
تروح غيرانه اللنده
اعد انده كمان الوش.
واقع والدمع متحوش
وعز الضلمه تهمس لي
يد توقفني تكون سنده
وصحيت من النوم
ليست هناك تعليقات:
إرسال تعليق