( قصه مش قصيره جدا )=٢١٠
فرخه دخلت عشه فيها كام ديك
كل ال معاها فكرتها
ال جابتها للكوك والكيك
عملت ان انها كريمه وصاحبه واجب
كل كلامها بتصاحبه العين والحاجب
وقالت لكل ديك ف العشه
الليله رح اعشيك
وكام كلمه علي كام بسمه
واني انا ليك
كل ديوك العشه جعانه ومستنيه
ان خلاص الفرخه بهانه يوم هاتوفي
حلم الكل انه هياكل وبطنه هاتسعد بلحم مشفي
وال حلم بما لذ وطاب
وان ظنه عمره ماخاب
وجاه التاني همس له ف ودنه
احنا كتير ومش هايكفي
بس كانت الفرخه بهانه ليهاتخطيط
اصلها كانت متربيه في شارع
وعارفه ودارسه للتنطيط
يعني ازاي تكون ع الارض
فجأه تشوفها فوق الحيط
مسكت اكبر ديك في العشه وهات ياكاك
ده كل ديوك العشه قالولي عليك
وانت ياعيني ياحبه عيني اناظلماك
بس عرفت ان انك طيب
مش زي ماقالو
وان خلاص ليك وحدك وده كتير مالوا
عايزه حته في نص العشه لوحدي وليها شباك
ولما احب اشوفك اشوفك وازعق وانده كاك
وأكبر ديك نفذ أحلامها
واداهاحته في نص العشه
وسمع لكلامها
وقعدت الفرخه بهانه جوه الدايره
دماغ شغاله وأفكار فايره
تصحي الصبح تقول كاك من الناحية دي
كل ديوك العشه عليها تصيح وتنادي
بعد شويه تقول كام كاك من الناحية التانيه
باقي ديوك العشه ترد عليها
في لحظه وثانيه
شغلت كل ديوك العشه ووهمتهم
كل ديك عارف انها ليه وماحد تالتهم
وقعت كل ديوك الناحيه في الوسواس
كل ديك وقف للتاني وسط الناس
وال رفع ع صاحبه واخوه الشومه والفاس
ام جه ديك واعي وصاحي وعرف الفوله
ان الفرخه بهانه
كتير حكايتها ومش معقوله
و ال اتقال ليه سمعه غيره
نفس الجمله والحدوته وخطوط سيره
وقال لديوك العشه دي فرخه شر
قلبت كل ديوك العشه ووراها انجر
فاقت كل ديوك العشه بعد فراق
وخدت درس كان قاسي والكل انضر
ان الفرخه بهانه اساسا شر وليها تخطيط
وانها متربيه في حاره
وعارفه ازاي هو التنطيط
تبقي شايفها خلاص قدامك
فجأه تشوفها فوق الحيط
ليست هناك تعليقات:
إرسال تعليق