( حبيبي يابه. )=١٩٨
قولي يابه ...انا قلت آه
قولي يابه ..اناعقلي تاه
قولي اعمل ايه في دنيا
غلطة ...وسموها الحياه
قولي يابه ....واعمل ايه
لما كل ..خلق الله تكدب
واي اسم...... سبقه بيه
بس انا .وحدي ال عبد
ولا سابق..... اسمي تيه
قولي واديني النصيحه
احفظها وواضحه وصريحه
البشر ..صارت نطيحه
طب اعيش.. ازاي وليه
قولي يابه .احتار دليلي
وتاه خضاري وراح نجيلي
والنهار بقي.. زي ليلي
هم غم. شربه طافحه
والمرار ... زاده ومليه
طب قولي يابا اعمل ايه
لما اروح زي ما جيت
لما يبور ..بحر وغيط
لما تهرب.. كل ضحكه
والوفاق مايزورلي.. بيت
يبقي يابه .اعمل ايه
قولي يابه .سكت ليه
هو انا هاعيش لأمتي
ينساني الفرح ونسيه
لحد امتي يشقي كفي
ويتعب وماقادر يوفي
والعرق .حظي وصفي
ويضيع شقايا ال رجيه
قولي يابه واعمل ايه
وانت يابه.. عملت ايه
لما عشت .. العمر كله
ع الأمل... تترجي فيه
بعت عمرك .راح بلاش
ولسه.. برده... بتناجيه
وقولي .....يابه!!!
ليست هناك تعليقات:
إرسال تعليق