يا اماه محسودين .. !!
خليها محسودين
عشان موش قادرين
نقول مين والا مين
اصلهم يا اماه
ناس كبارات
واديهم طايلين
كلمه كده والا كده
تلاقينا في الحديد
متكلبشين
خلاص يا اماه
عديها محسودين
واحنا راضيين
ناكل سخام
ونغرز في طين
مع اننا
موش لاقيين
نعلم ولادنا
او نسترهم
بحتة هدمتين
و اهو بيقنعونا
مادام فوقينا سقف
و حوالينا
أربع جدران
عليهم متلقحين
يبقي احنا
احسن من غيرنا
اهو احنا بردوه
في امان ومطمنين
بيخوفونا باللي حصل
في سوريا
وليبيا والعراق
وانا احنا
نحمد ربنا
اننا موش زيهم
في بلاد الخلق لاجئين
مابقاش يا اماه
غير اننا
نرفع ايدينا لربنا
ياااااااارب
انت المعين
ياااااااارب
انت المعين
احمد المرشدي
15 يناير 2023
ليست هناك تعليقات:
إرسال تعليق