(صبح امبارح)
صبح امبارح كنا ..عيال
وكانت الدنيا غير الدنيا
كانت غنوه وكام .موال
....
صبح امبارح كان .بيصبح
كان الحلال فيه ال بيربح
والاب ..بيشقي ...وبيربي
والام تعلم اجيال ....
.........
ربونا علي.. حب... الجار
وايه ميتقلش وايه يتقال
كانت ناس عيشه بالفطره
فطره وهبها التواب
كانت درسه كمان ومذاكره
دون مدرسه ولا اي .كتاب
...........
كانت دنيا خاليه من .القهر
وال متربي ده شبكه ومهر
هوب هاتوعي وبدأت تشب
تبدأ رجلك تدوس وتدب
بسرعه يجي علينا الضهر
.............
وضهر امبارح... وبنتعلم
تعرف بلدك ..والموضوع
والمزروع ايه والمصنوع
وبتتعلم الصلاه والصوم
والشهر فيه كام .اسبوع
والاسبوع فيه كام يوم
تروح مدرستك تيجي تذاكر
خليك .عارف ..خليك.. فاكر
لو بكره ماحققتش. حلمك
بكره يدوسك فقر وجوع
كده اتربينا..واحنا في مصر
وهوب تيجي صلاه.. العصر
وعصر امبارح كان فيه ابويا
ولسانا ما بيعرف.. دادي
واعمل واجب ويا الجار
انت كبرت يواد وفي اعدادي
والجسم بيكبر........ يتغير
يختاروا لبسي وده العادي
ومقاس لبسي اسمه محير
بين الشبابي والاولادي
كان الود... ساكن بيتنا
وابوك جي من الناحية دي
ديما ذاكر خليك .شاطر
والسنه بتخلص .وتقرب
والشمس تمشي.و.تغرب
يهل علينا المغرب
و امبارح مغربه كان غير
كانت .الدنيا .بكر... بخير
وشعر ابويا ابيض وشاب
واحنا في ثانوي..اولي شباب
بدأت تكبر الأحلام
بالفعل ومش عايزه ...كلام
انت تروح صبي. لميكانيكي
عشان نفسك تبقي.. مهندس
وانت بتقرأ مجله ....ميكي
حلمك تبقي اديب ومدرس
ولما والاب ..نادانا
نعرف منها انه عشانا
وآذان العشا بينادي
وبنكبر وبقينا شباب
حيطان بيتنا كانت. مداريه
ام. ودايره احسن... جامعه
حاضنه طلبه. وفي.... كليه
ولطلبتنا حاضره ..وسامعه
وشغلك.. هو قلمك... علمك
احلم.. يله.. وحقق... حلمك
وام بتدعي وايدها طبطب
وايد للأب علينا ....شديده
والتانيه .توجه. و ترطب
بموده ..ودنيتنا. ..سعيده
وينسي شقاه ولو بيحطب
كان ..همه. ازاي .يطعمنا
ويربينا ويعلمنا
ناسي ايامه وسنين .عمره
ولاكام سنه من عمره مره
عايش بس معانا. ولينا
وبيعد ايامه ...بيشطب
ويجي بكره
........ وصبح وأمبارح
وانا لسه معاه سارح
واتمني ارجع فيه للصبح
هو. هو.. صبح... امبارح
ليست هناك تعليقات:
إرسال تعليق