يااقصى
...........
الأقصى اولى القبلتين
علمونا فى كتاب الدين
وثالث الحرمين
وباقى ليوم الدين
ومسرى المصطفى
صادق الوعد الامين
افرح يااقصى وانبسط
جيلك المنشدين
قوم وانتفض
احنا مش فاضيين
عايز نضال
احنا مش جاهزين
جايين نغنى
احنا منشدين
عايز جهاد
احنا هجاصين
العيب فيك يااقصى
مش أقصى يعنى بعيد
من الابعدين
ما تدنو لينا
وتكون من الأقربين
مش حنتقابل فى حته
احنا مختلفين
انت دايما بعيد واقصى
واحنا دونيين
اعمل انت اى حاجه
احنا مش عاملين
عايز رجال
احنا فينا طبالين
وكمان معانا زمارين
جيل ورا جيل
وأجيال كتير جايين
نغنى ونقول يااقصى
ونستنى صلاح الدين
ومافيناش صلاح يااقصى
وماعندناش كمان الدين
*محمد وحيد*
ليست هناك تعليقات:
إرسال تعليق