من دفتر أشعاري...
( فاسمعي ياجارة)
نفسي يابلدي تجبري خاطرى
وتاخديني كده تحت بطاطتك
وتنسيني جحود الماضي..
وكلاحة الحاضر...
وأكون موضع حرصك ..
زى ماقولتي : نور عينك
وتحطيني في بؤرة اهتماماتك
اغلب عمرى عيشته أعاني
اهمالك ليا..وسوء أحوالي
وصراحة كده.. أنا مليت
وانتابني اليأس من حركاتك
ليه حرماني ومهضوم حقي
سواء في مواردك أو ثرواتك؟!
ليه سيباني ابكي و أتألم..
واشد في شعرى...
واجعر واهاتي
وتكتفي بالفرجة عليا ...
من شباك طيارتك..
وإزاز شرفاتك؟!
إنما شاطرة ترصدى شفايفي
وتزغرى ليا.. بالعين الحمرا
وترفعي عليا دراعك وسياطك
ياما مديت ليكي ايديا
وكسفتيني....
ليه بتشيحي عني بنظراتك
وللقصيدة بقية
شعر /جمال عبد الله عبد العال
ليست هناك تعليقات:
إرسال تعليق